«Almaty» telearnasynyń bas direktory Nurjan Muhamedjanova jýrnalisterdiń beibit jinalystarda qyzmet etý qaǵidalary jaily pikirin bildirdi, dep habarlaidy QazAqparat.
«Bizdiń búgingi talqymyz Aqparat jáne qoǵamdyq damý ministrliginiń shynaiy ashyqtyǵyn aiǵaqtai túsedi. Bul – óte ýaqtyly qolǵa alynǵan shara. Beibit jinalystar kezindegi jýrnalisterge arnalǵan qaǵidattar BAQ jumysy úshin úlken múmkindikterdi beredi. Buǵan deiin beibit jinalystarǵa joldaǵan jýrnalisterimizdiń keibiri júreksinetin. Al qazir tártiptiń bári de arnaiy erejelerde jazylatyn boldy. Óte durys baǵyttaǵy jumys degen oidamyn», - dedi ol Aqparat jáne qoǵamdyq damý ministri Aida Balaevanyń qatysýymen ótken onlain kezdesýde.
Onyń aitýynsha osy erejelerdiń bári de jýrnalisterdiń jumysyn jeńildetip, BAQ pen bilik, qoǵam arasyndaǵy órkenietti qarym-qatynasty qalyptastyrady.
«Ekinshiden erejelerge mynadai usynys engizilse deimin: jýrnalist beibit jinalystarǵa barǵan kezde keideshe pen ózge de aiyrym belgisimen birge redaktsiialyq tapsyrmany da alyp júrýi tiis. Sebebi ártúrli pozitsiia bar. Bir komandada bolǵan kúnniń ózinde kózqaras ártúrli bolýy múmkin», - dedi ol.
