Qazaqstandyq sportshy Nurjan Batyrbekov Hanchjoýda ótip jatqan Aziia oiyndarynyń jeńimpazy atandy, dep habarlaidy "Ult aqparat".
Djiý-djitsýdan 69 kelige deiingi salmaq dárejesinde baq synaǵan otandasymyz finalda BAÁ-den kelgen qarsylasy Muhammed ál-Sývaididi 4:2 esebimen jeńdi. Eki sportshy da 21 jasta.
Sondai-aq osy sporttan Aldiiar Serik (69 kg), Mansur Habibýlla (62 kg) qola medal aldy.
Aita keteiik, Qazaqstan buǵan deiin stend atýdan eki, velosporttan eki, nysana kózdeýden bir, kanoe jáne baidarka esýden bir altyn medal jeńgen.
Qazir Qazaqstan 7 altyn, 12 kúmis, 36 qolamen 11-orynda tur. Jalpy esepte Qytai (174 altyn, 96 kúmis, 53 qola) birinshi, Japoniia (37-51-59) ekinshi, Ońtústik Koreia (33-45-72) úshinshi orynda keledi. Ózbekstan (16-16-22) besinshi, Qyrǵyzstan (3-0-4) 18-shi, Tájikstan (2-1-4) 23-orynda tur. Túrkimenstan bir kúmis, tórt qolamen 29-orynda.
