QR Úkimetiniń Qaýlysymen Áltaev Nurjan Baýyrjanuly Qazaqstan Respýblikasy aýyl sharýashylyǵy vitse-ministri qyzmetine taǵaiyndaldy, - dep habarlaidy "Ult aqparat" QR Premer-ministriniń baspasóz qyzmetine silteme jasap.
Nurjan Áltaev 1978 jyly Ońtústik Qazaqstan oblysynda dúniege kelgen. 2004 jyly M. Áýezov atyndaǵy Ońtústik Qazaqstan memlekettik ýniversitetin, 2012 jyly - Akademiialyq innovatsiialyq ýniversitetti támamdaǵan. Mamandyǵy - zańger, ekonomist.
Eńbek jolyn 2002 jyly bastady. 2005-2012 jyldary memlekettik organdarda ár túrli qyzmetter atqarǵan, ulttyq kompaniialarda jumys istegen. 2012-2014 jyldary "Kásipkerlerge qyzmet kórsetý ortalyǵyn", Ońtústik Qazaqstan oblysynyń Kásipkerler palatasyn basqardy.
2014 jyldyń naýryzynan bastap osy ýaqytqa deiin "Atameken" QR Ulttyq kásipkerler palatasynyń basqarma tóraǵasynyń orynbasary bolyp istegen.
