Eńbek jáne halyqty áleýmettik qorǵaý ministri Birjan Nurymbetov ai saiyn azyq-túlik toptamasyn alatyn azamattardyń sanatyn atady, dep habarlaidy QazAqparat.
«Memleket basshysy azyq-túlik toptamasyn alatyn azamattardyń sanatyn belgileý jóninde mindet júktedi. Azyq-túlik toptamasyn alý múmkindigi kimge beriledi? Ony ataýly áleýmettik kómek alyp júrgen otbasyndaǵy barlyq bala alady. Barlyq top boiynsha múgedekter (elimizde 695 myń) de, múgedek balany qarap otyrǵan ata-ana, resmi túrde tirkelgen jumyssyz adamdar da azyq-túlik toptamasyna ie bolady. Qazaqstanda aiyna shamamen 1,5 mln adamǵa azyq-túlik toptamasy beriledi. Ony is júzine jergilikti ákimder iske asyrady», - dedi Birjan Nurymbetov OKQ-da ótken baspasóz máslihatynda.
