Jeke tulǵalardyń 42 500 teńge áleýmettik tólem alýynyń zańdylyǵy tekserilmeidi. Bul týraly Ortalyq kommýnikatsiialar qyzmetindegi brifingide QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«42 500 teńge áleýmettik tólemi proaktivti túrde taǵaiyndalǵandar esh nárseni ýaiymdamaý kerek. Ony qaitarýdyń da qajet joq. Búkil jeke tulǵalar, eshqaisyńyz qaitarmańyzdar, ýaiymdamańyzdar. Tekserý de bolmaidy. Tekserý bolǵan kúnniń ózinde eshkim sizderdiń jumysyńyzdyń bolǵanyn ne bolmaǵanyn dáleldei almaidy. Sondyqtan ony qaitarýdyń qajeti joq», - dedi ministr.
Onyń atap ótýinshe, 42 500 teńgeni zańsyz alyp, qazirgi ýaqytta keri qaitarǵandar týraly derek joq. Sebebi ministrlik áleýmettik tólemdi taǵaiyndaý, tóleýmen ǵana ainalysyp jatyr.
«Barlyǵynda bul taqyrypty toqtatýǵa shaqyramyn. Birde-bir adam 42 500 teńgege bailanysty qylmystyq jaýapkershilikke tartylmaidy. Bul - áleýmettik tólem. Tipti qatelesken kúnniń ózinde eshqandai jaza bolmaidy», - dedi Birjan Nurymbetov.
