Parlament Senatynyń depýtaty Nurtóre Júsip búgingi Prezident Joldaýyna qatysty pikir bildirdi, dep habarlaidy "Ult aqparat" Senattyń baspasóz qyzmetine sliteme jasap.
Onyń aitýynsha, Joldaýda aýyl jáne aýyl sharýashylyǵy máselesin damytý jaiy aitylǵan.
«Munyń ishindegi negizgi máseleniń biri - Qazaqstannyń jer kólemi. Alaida, osy jerimizdiń bir tutamyn bolsyn saqtaý jaǵdaiyna kelgende eshqandai jerdiń sheteldikterge satylmaityny týraly aitqany óte oryndy. Odan bólek, bilim máselesi de kóterildi. Kez kelgen memleket kósh boiy ilgeri jyljýy úshin onyń bilim salasy myqty bolýy kerek. Ia ǵni, bilimi damyǵan el árqashan aldyńǵy qatarda bolady. Prezidenttiń aitqan jaqsy bir jańalyǵy - qazaq ziialylaryna úlken múmkindik beriledi» deidi Nurtóre Júsip.
Senator qujatta kóterilgen basqa da máselelerge nazar aýdardy.
«Uqyptylyq, baisaldylyq máselesi. Mysaly Prezidenttiń «eń bastysy, bos sózden arylyp, elge paidaly dúnielerdi jasai bilý jaǵdaiyna kelýimiz kerek» degen sózi - biz úshin qýanyshty jaǵdai. Senat depýtaty retinde Joldaýda aitylǵan máselelerdi sheshý úshin durys zańdardy qabyldap, olardyń iske asyrylýyna atsalysamyz» deidi depýtat.
