Búgin Qazaqstanda sheteldegi qazaqtildi buqaralyq aqparat quraldarynyń basyn biriktirgen assotsiatsiia quryldy. Atalǵan qoǵamnyń uiymnyń tóraǵasy bolyp QR Parlamenti Senatynyń depýtaty, qoǵam qairatkeri Nurtóre Júsip taǵaiyndaldy, dep habarlaidy QazAqparat.
«Syrttaǵy qandastarymyzdyń aýyzbirshilginiń berik bolýyna «Otandastar» qorynyń qosyp jatqan úlesi zor. Búgingi qaýymdastyqtyń qurylýy - sonyń dáleli. Bul bastamany erterek qolǵa alý kerek edi, degenmen igi istiń erte-keshi joq. Jańa sheteldegi baýyrlarymyzdy tyńdap, ar jaqta bolsa da otanǵa degen ińkárligin sezip otyrmyz. Aldaǵy ýaqytta jańadan qurylyp otyrǵan sheteldegi qazaqtildi BAQ qaýymdastyǵynyń jumysynyń ilgerileýine bárimiz biraýyzdan atsalyssaq deimin. Mysaly, kórshi Reseide qazaqsha BAQ-tar óte belsendi jumys isteidi. Olar jyl saiyn Sochi jáne basqa da qalalarda bas qosyp, ózara tájiribe almasyp jatady. Túrli forým, jiyndar ótkizip turady. Ol jerde qandastarymyz óz máselelerin ortaǵa salyp, sonyń sheshimin izdeidi. Osy baǵyttaǵy jumysty basqa elderde de damytý qajet. Alda bizdi biraz sharýa kútip tur, bastamamyz sátimen bolsyn» , - dedi Nurtóre Júsip.
