Nurtóre Júsip pen Asqar Shákirov QR Parlamenti Senatynyń depýtaty boldy. Bul týraly búgin Aqordanyń baspasóz qyzmeti habarlady.
«Memleket Basshysynyń Jarlyqtarymen Qazaqstan Respýblikasy Parlamenti Senatynyń depýtattary bolyp Nurtóre Baitilesuly Júsip pen Asqar Orazalyuly Shákirov taǵaiyndaldy», - delingen habarlamada.
Jýrnalist, Qazaqstan Respýblikasy Gýmanitarlyq ǵylym akademiiasynyń, Qazaqstan Respýblikasy Jýrnalistika akademiiasynyń akademigi, BAQ salasyndaǵy Qazaqstan Respýblikasy Prezidenti syilyǵynyń jáne Qazaqstan Jýrnalister odaǵynyń B.Bulqyshev atyndaǵy syilyǵynyń laýreaty Nurtóre Baitilesuly JÚSIP 1961 jyly 29 sáýirde Qyzylorda oblysynyń Shieli aýdanynda dúniege keldi.
Ál-Farabi atyndaǵy Qazaq ulttyq ýniversitetin bitirgen.
Pavlodar oblystyq «Qyzyl tý» gazetiniń tilshisi, kólik jáne kommýnikatsiialar bóliminiń meńgerýshisi, bas redaktorynyń orynbasary qyzmetin atqarǵan. 1990-1996 jyldary - «Egemen Qazaqstan» gazeti ekonomika bóliminiń meńgerýshisi, bas redaktorynyń orynbasary. 1996-2002 jyldary - «Jas alash» gazetiniń bas redaktory. 2002-2005 jyldary - «Aq Jol Qazaqstan» gazetiniń bas redaktory. 2005-2006 jyldary - «Egemen Qazaqstan» gazetiniń bas direktory. 2006-2008 jyldary - «Astana habary» gazetiniń bas redaktory. 2008 jyldyń aqpanynan osy taǵaiyndaýǵa deiin saiasi-qoǵamdyq «Aiqyn» gazetiniń bas redaktory,
Onyń «Biz kimnen kembiz», «Qazaqtyń qyzy», «Eles pen beles» atty pýblitsistikalyq jinaqtary jaryq kórgen.
«Qurmet» ordenimen, medaldarmen marapattalǵan.
