نۇرتٶرە جٷسٸپ پەن اسقار شەكٸروۆ قر پارلامەنتٸ سەناتىنىڭ دەپۋتاتى بولدى. بۇل تۋرالى بٷگٸن اقوردانىڭ باسپاسٶز قىزمەتٸ حابارلادى.
«مەملەكەت باسشىسىنىڭ جارلىقتارىمەن قازاقستان رەسپۋبليكاسى پارلامەنتٸ سەناتىنىڭ دەپۋتاتتارى بولىپ نۇرتٶرە بايتٸلەسۇلى جٷسٸپ پەن اسقار ورازالىۇلى شەكٸروۆ تاعايىندالدى», - دەلٸنگەن حابارلامادا.
جۋرناليست, قازاقستان رەسپۋبليكاسى گۋمانيتارلىق عىلىم اكادەميياسىنىڭ, قازاقستان رەسپۋبليكاسى جۋرناليستيكا اكادەميياسىنىڭ اكادەميگٸ, باق سالاسىنداعى قازاقستان رەسپۋبليكاسى پرەزيدەنتٸ سىيلىعىنىڭ جەنە قازاقستان جۋرناليستەر وداعىنىڭ ب.بۇلقىشەۆ اتىنداعى سىيلىعىنىڭ لاۋرەاتى نۇرتٶرە بايتٸلەسۇلى جٷسٸپ 1961 جىلى 29 سەۋٸردە قىزىلوردا وبلىسىنىڭ شيەلٸ اۋدانىندا دٷنيەگە كەلدٸ.
ەل-فارابي اتىنداعى قازاق ۇلتتىق ۋنيۆەرسيتەتٸن بٸتٸرگەن.
پاۆلودار وبلىستىق «قىزىل تۋ» گازەتٸنٸڭ تٸلشٸسٸ, كٶلٸك جەنە كوممۋنيكاتسييالار بٶلٸمٸنٸڭ مەڭگەرۋشٸسٸ, باس رەداكتورىنىڭ ورىنباسارى قىزمەتٸن اتقارعان. 1990-1996 جىلدارى - «ەگەمەن قازاقستان» گازەتٸ ەكونوميكا بٶلٸمٸنٸڭ مەڭگەرۋشٸسٸ, باس رەداكتورىنىڭ ورىنباسارى. 1996-2002 جىلدارى - «جاس الاش» گازەتٸنٸڭ باس رەداكتورى. 2002-2005 جىلدارى - «اق جول قازاقستان» گازەتٸنٸڭ باس رەداكتورى. 2005-2006 جىلدارى - «ەگەمەن قازاقستان» گازەتٸنٸڭ باس ديرەكتورى. 2006-2008 جىلدارى - «استانا حابارى» گازەتٸنٸڭ باس رەداكتورى. 2008 جىلدىڭ اقپانىنان وسى تاعايىنداۋعا دەيٸن ساياسي-قوعامدىق «ايقىن» گازەتٸنٸڭ باس رەداكتورى,
ونىڭ «بٸز كٸمنەن كەمبٸز», «قازاقتىڭ قىزى», «ەلەس پەن بەلەس» اتتى پۋبليتسيستيكالىق جيناقتارى جارىق كٶرگەن.
«قۇرمەت» وردەنٸمەن, مەدالدارمەن ماراپاتتالعان.
