Foto: senate.parlam.kz
QR Senatynyń depýtaty Nurtóre Júsip Almaty qalasyndaǵy kitaphanalar men muraǵattardyń qyzmetkerlerimen kezdesti. Onda AES qurylysy týraly aldaǵy referendým, atom energetikasynyń keleshegi men elimizdiń energetikalyq qaýipsizdigindegi mán-mańyzy talqylandy. Sondai-aq, memlekettiń turaqty damýy men órkendeýine yqpal etetin atom elektr stantsiiasynyń strategiialyq, ekologiialyq, ekonomikalyq jáne ǵylymi artyqshylyqtary týraly aityldy.
Nurtóre Júsip óz sózinde Qazaqstannyń energetikalyq qaýipsizdigin nyǵaitýda atom energetikasynyń áleýeti zor ekenin atap ótti. Ýrannyń bai qoryna ie jáne óziniń iadrolyq baǵdarlamasyn damytýda tiimdi pozitsiiada turǵan elimizdiń jer qoinaýynan alynatyn otynǵa táýeldilikti azaitýǵa jáne energetika salasyn ártaraptandyrýǵa múmkindigi bar. Depýtat atom energetikasyna salynǵan investitsiia Qazaqstannyń energetikalyq táýelsizdigin aitarlyqtai nyǵaita alatynyn jáne býlaný gazdary shyǵaryndysyn azaitý esebinen ornyqty damý maqsatyna qol jetkizýge múmkindik beretinin atap ótti.
«Atom energetikasynyń bolashaǵy zor ekeni baiqalyp otyr. Buryn kúmánmen qaraǵan kóptegen elder qazir óz kózqarastaryn qaita qarap, ony jańartylatyn energiia kózderine mańyzdy qosymsha dep sanaidy. Atom energetikasy osy salada joǵary deńgeidegi qaýipsizdikti qamtamasyz etedi jáne sonymen birge taza ekologiialyq sheshim bolyp tabylady. AES qurylysy elimizge óz elektr energiiasyn óndirýge múmkindik beredi jáne barlyq óńirdi energiiamen qamtamasyz etý deńgeiin arttyrady. Bul alǵa jasalǵan eleýli qadam bolady. Atom energiiasy kómir men gazǵa qaraǵanda áldeqaida qýatty, odan qaldyq az shyǵady jáne qorshaǵan ortany qorǵaýǵa da járdemdesedi. Ol óńirlerdi damytýǵa jáne energetikalyq táýelsizdigin nyǵaitýǵa yntalandyrýǵa yqpal etedi», - dedi Nurtóre Júsip.
Kezdesýge qatysýshylar atom elektr stantsiiasyn salý kezinde zamanaýi tehnologiiany qoldaný, qaldyqtardy kádege jaratý, kadr áleýetin qalyptastyrý jáne stantsiiaǵa qyzmet kórsetý úshin jańa jumys oryndaryn ashý máselelerin kóterdi.
