Senat depýtaty Nurtóre Júsip Sátbaevtaǵy oqiǵadan keiin pedofildardy atý kerek dep otyr. Bul týraly senator facebook-tegi paraqshasynda jazdy.
Aiýandy atýǵa bolady! Azǵyndyq jolǵa túsip, adamdyq qasietinen airylǵan adamdy bizdiń qazaq "aiýan" deitin… Jalǵyz Sátbaev qalasynda ǵana emes, respýblika kóleminde pedofil kóbeidi. Bul – aiýandar kóbeigenin ańǵartady. Qutyrǵan ittiń ózin atyp tastaimyz! Adamnan aiýanǵa ainalǵandardy nege atýǵa bolmaidy?! Aiýanǵa "adam quqyǵy" degen músirkeýmen qaraýǵa bolmaidy, – dep jazdy Nurtóre Júsip.
Aita keteiik, 23 shilde kúni keshki saǵat 9-da Qaraǵandy oblysyna qarasty Sátbaev qalasynyń ishki ister basqarmasyna 5 jasar qyzdyń joǵalǵany týraly aryz túsken. Dereý izdestirý nátijesinde búldirshin qaladaǵy bir úiden tabylǵan. Jas qyzdy zorlady degen kúdikpen bir azamat qamaýǵa alyndy.
