Grek-rim kúresinen Qazaqstan quramasynyń bas bapkeri Baqtiiar Baiseiitov Tokio Olimpiadasynda sportshylardyń oiynyna qatysty pikir bildirdi, dep habarlaidy "Ult aqparat".
«Japondyq qarsylas Demeýdiń (Jadyraev – red.) qolyn kótergenin kútti. Bul bir úlken qatelik boldy. Biz oǵan basyńdy túsirme, ol óte qaýipti dep únemi aittyq. Jarystyń aiaqtalýyna 30 sekýnd qalǵan edi. Ol sharshap, basyn túsirgeni sol edi, «jazalaý» bastalyp ketti. Ózi de japondyq balýannyń jeńip ketkenin túsinbei qaldy», - dedi bas bapker Ortalyq kommýnikatsiialar qyzmetindegi onlain brifingide.
Nursultan Tursynovqa kelsek, bapker onyń jaqsy daiyndalǵanyn jetkizdi.
«Daiyndyǵy myqty bolǵanymen, ol tórt jyl úziliste otyryp qaldy. Bálkim saiys tájiribesi jetpei qalǵan shyǵar. Tipti osy jaǵdaida da ol óte jaqsy kúresti. Onyń jeńilgenin tóreshilerdiń qateligi dep esepteimin», - dedi Baqtiiar Baiseiitov.
Buǵan deiin bas bapker Nursultan jasaǵan ádistiń baǵalanbai qalǵanyn aitqan edi. Tóreshiler oǵan eki upaidy bergende, Nursultan jeńiske jeter edi.
