گرەك-ريم كٷرەسٸنەن قازاقستان قۇراماسىنىڭ باس باپكەرٸ باقتييار بايسەيٸتوۆ توكيو وليمپياداسىندا سپورتشىلاردىڭ ويىنىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«جاپوندىق قارسىلاس دەمەۋدٸڭ (جادىراەۆ – رەد.) قولىن كٶتەرگەنٸن كٷتتٸ. بۇل بٸر ٷلكەن قاتەلٸك بولدى. بٸز وعان باسىڭدى تٷسٸرمە, ول ٶتە قاۋٸپتٸ دەپ ٷنەمٸ ايتتىق. جارىستىڭ اياقتالۋىنا 30 سەكۋند قالعان ەدٸ. ول شارشاپ, باسىن تٷسٸرگەنٸ سول ەدٸ, «جازالاۋ» باستالىپ كەتتٸ. ٶزٸ دە جاپوندىق بالۋاننىڭ جەڭٸپ كەتكەنٸن تٷسٸنبەي قالدى», - دەدٸ باس باپكەر ورتالىق كوممۋنيكاتسييالار قىزمەتٸندەگٸ ونلاين بريفينگٸدە.
نۇرسۇلتان تۇرسىنوۆقا كەلسەك, باپكەر ونىڭ جاقسى دايىندالعانىن جەتكٸزدٸ.
«دايىندىعى مىقتى بولعانىمەن, ول تٶرت جىل ٷزٸلٸستە وتىرىپ قالدى. بەلكٸم سايىس تەجٸريبەسٸ جەتپەي قالعان شىعار. تٸپتٸ وسى جاعدايدا دا ول ٶتە جاقسى كٷرەستٸ. ونىڭ جەڭٸلگەنٸن تٶرەشٸلەردٸڭ قاتەلٸگٸ دەپ ەسەپتەيمٸن», - دەدٸ باقتييار بايسەيٸتوۆ.
بۇعان دەيٸن باس باپكەر نۇرسۇلتان جاساعان ەدٸستٸڭ باعالانباي قالعانىن ايتقان ەدٸ. تٶرەشٸلەر وعان ەكٸ ۇپايدى بەرگەندە, نۇرسۇلتان جەڭٸسكە جەتەر ەدٸ.
