Qazaqstandyq balýan Nursultan Tursynov grek-rim kúresinen Aziia irikteý týrniriniń jeńimpazy atandy, dep habarlaidy Olympic.kz.
Almatyda ótken bairaqty básekede ol 87 kelige deiingi salmaq dárejesinde beldesti. Finalda onyń qarsylasy qytailyq Fei Pen densaýlyǵyna bailanysty kúresýden bas tartty. Nátijesinde, jeńis avtomatty túrde qazaqstandyq balýanǵa berildi.
Aita keterligi, Nursultan Tursynov finalǵa shyǵyp, Qazaqstan quramasyna Tokio Olimpiadasynyń joldamasyn jeńip alǵan bolatyn.
