Búgin elordada QR Prezidenti Nursultan Nazarbaevtyń tóraǵalyǵymen Álemdik jáne dástúrli dinder kóshbasshylarynyń VI sezi jumysyn bastady, dep habarlaidy "Ult aqparat".
Sez jumysynyń ashylý rásiminde túrli ult ókilderinen quralǵan hor «Aq kógershin» ánin oryndady. Alqaly jiynǵa barlyq álemdik jáne dástúrli dinderdiń ókilderi, sonymen qatar bedeldi dini liderler, saiasi qairatkerler men halyqaralyq uiym ókilderinen quralǵan 46 elden 82 delegatsiia qatysýda. Sezdiń mártebeli meimany - Serbiia Respýblikasynyń Prezidenti Aleksandr Výchich. Jahandyq sharanyń basty jáne negizgi taqyryby - «Dini liderler qaýipsiz álem úshin».
Altynshy sezd aiasynda «Álem HHI ǵasyr» manifesi» jahandyq qaýipsizdik tujyrymdamasy retinde», «Qubylmaly geosaiasi jaǵdaidaǵy dinder: adamzatty biriktirýge arnalǵan jańa múmkindikter», «Din jahandanýy: syn-tegeýrinder men jaýaptar», «Din kóshbasshylary men saiasi qairatkerler ekstremizm men terrorizmdi eńserý jolynda» atty tórt baǵyt boiynsha sektsiialyq otyrystar ótedi.
Aita keteiik, jalpy otyrysqa deiin QR Parlamenti Senatynyń tóraǵasy Qasym-Jomart Toqaevtyń tóraǵalymen Dini liderler keńesiniń otyrysy ótken bolatyn.
