Astanada Memleket basshysy Nursultan Nazarbaevtyń qatysýymen QR Prezidentiniń janyndaǵy shetel investorlary keńesiniń 31-shi plenarlyq otyrysy bastaldy, dep habarlaidy QazAqparat tilshisi.
Kún tártibine úsh suraq qoiylyp otyr. Eń aldymen, keńestiń 30-shy jalpy otyrysyndaǵy hattamalyq mindetterdiń atqarylýy týraly esep tyńdalady. Ekinshiden, sheteldik taraptyń investitsiialyq saiasat, energetika, ekologiia jáne munai-gaz salasy, eńbek zańnamasy, adam kapitalyn damytý men sheteldik jumys kúshin tartý týraly keńesi aitylady. Sonymen birge, otyrystyń negizgi kóteretin taqyryby - jedeldetilgen jańǵyrtý bolmaq.
Aita ketsek, sheteldik investorlar keńesi qurylǵaly beri Memleket basshysynyń tóraǵalyǵymen 30 plenarlyq otyrys ótkizilgen. Ol otyrystarda aýqymdy túrde ózekti máseleler, atap aitqanda eldegi shetel investitsiiasynyń quqyqtyq rejimin jaqsartý, Qazaqstannyń sot júiesin jetildirý, salyq júiesin ońtailandyrý men shetelden jumys kúshin tartý, QR investitsiialyq imidjin jaqsartý, bolashaq energiiasy sekildi mańyzdy taqyryptar talqylanǵan.
QR Prezidentiniń tóraǵalyǵymen ótetin sheteldik investorlar keńesi biregei alań bolyp tabylady. Keńes eldiń investitsiia salasyna, Qazaqstandaǵy investitsiialyq klimatty arttyrýǵa qatysty ózekti máselelerdi sheshý úshin QR Úkimeti men shetel investorlarynyń arasyndaǵy tikelei dialogty qamtamasyz etý maqsatynda 1998 jyly qurylǵan.
ShIK quramyna 35 iri transulttyq shetel kompaniialary men halyqaralyq uiymdar enedi.
«Biz Táýelsizdik alǵannan keiingi jyldar áste ońai bolǵan joq. Keńes odaǵynyń kúireýi men daǵdarystan soń, Ońtústik-shyǵys daǵdarysy, 2007 jylǵy daǵdarys ótkenimen, Qazaqstan rezerviniń, ońtaily sheshimniń arqasynda retsessiiaǵa jol bergen joq. Dese de, máseleler, qatelikter, kemshilikter barshylyq. Biraq, eń bastysy aitaiyn degenim investitsiia boiynsha Qazaqstannyń kórsetkishi álemdik kórsetkishten joǵary jáne Qazaqstannyń jetistigi damyǵan elderdiń kórsetkishinen eki esege joǵary. Osynyń arqasynda Qazaqstan qazir damý ústinde. Biz osylaisha jańa baǵdarlamalardy júzege asyryp jatyrmyz. Demek, bizdiń bárimiz de úlken jumysty eńserdik. Sondai-aq, Sizderdiń barlyqtaryńyzǵa (investorlarǵa - avt.) rahmet», - dedi Nursultan Nazarbaev keńestiń ashylýynda.
