Nursultan Nazarbaevtyń Túrkitildes memleketter yntymaqtastyq keńesine múshe memleketter basshylarynyń 7-shi sammiti ótken Bakýge saparynan video jariialandy, dep habarlaidy "Ult aqparat" Elbasynyń baspasóz qyzmetine silteme jasap.
Biyl Qazaqstan, Túrkiia, Ázerbaijan jáne Qyrǵyzstan prezidentteri qol qoiǵan tarihi qujat – Nahchyvan deklaratsiiasyna týra 10 jyl tolyp otyr.
«Mereitoilyq mejege biz jaqsy jetistiktermen jettik. Birinshiden, jahandyq turǵyda da, óz ishimizde de uiymǵa suranys bar ekenin ári onyń ózektiligin dáleldei aldyq. Ekinshiden, Keńestiń qatary Ózbekstan men Majarstan esebinen tolyqty. Bul bizdiń birlesken jylnamamyzdyń jańa paraǵy. Úshinshiden, elderimiz salmaqty institýtsionaldyq arhitektýra qalyptastyrdy. Tórtinshiden, Keńestiń óńirlik jáne halyqaralyq deńgeidegi saiasi jáne ekonomikalyq bedeli ósip keledi. Besinshiden, Túrki álemi integratsiiasynyń tujyrymdamasy qabyldandy», - dedi Elbasy.
Qazaqstannyń Tuńǵysh Prezidenti Túrki integratsiiasy protsesin jalǵastyrýdyń mańyzdylyǵyna toqtalyp, Túrki keńesin odan ári damytý úshin eki usynys aitty.
2009 jyly Ázerbaijannyń Nahchyvan qalasynda ótken Túrkitildes memleketter basshylarynyń IX sammitinde Nahchyvan deklaratsiiasyna qol qoiyldy. Osylaisha, Qazaqstannyń Tuńǵysh Prezidenti Nursultan Nazarbaevtyń Túrki keńesin qurý ideiasy iske asqan edi.
