QR Tuńǵysh Prezidenti - Elbasy Nursultan Nazarbaevqa «Túrki dúniesiniń jandaný syilyǵy» berildi, dep habarlaidy QazAqparat.
Syilyqty Túrkiianyń Azattyq alýynyń 100 jyldyǵyna (1919 jylǵy 19 mamyrda) orai Túrki dúniesi jazýshylar jáne ónerpazdar qory taǵaiyndaǵan bolatyn. Bul marapat alǵash ret berilip otyr jáne oǵan QR Tuńǵysh Prezidenti – Elbasy Nursultan Nazarbaev laiyq dep tanyldy.
Syilyqty Túrkiia Parlamentiniń tóraǵasy Mustafa Shentop Qazaqstan Respýblikasy Táýelsizdiginiń 28 jyldyǵyna arnalǵan qabyldaý keshinde Qazaqstannyń Túrkiiadaǵy Tótenshe jáne ókiletti elshisi Abzal Saparbekulyna tabystady.
«Dos jáne baýyrlas Qazaqstan halqyn el Táýelsizdigine 28 jyl tolýymen quttyqtaimyn. Osyndai qýanyshty bólisýdi úlken baqyt dep aitar edim. Túrkiia Qazaqstannyń Táýelsizdigin tanyǵan alǵashqy memleket bolǵanyn maqtan tutamyz. Qazaqstannyń qýanyshy – bizdiń qýanyshymyz. Qazaqstannyń taǵdyry – bizdiń taǵdyrymyz. Biz Qazaqstannyń damýǵa bastaǵan joldaǵy úlken jetistikterin árqashan nazarda ustaimyz jáne árdaiym qýanamyz. Túrkiia men Qazaqstan qarym-qatynasy eki memleket bailanysynan bólek, bir atanyń urpaqtarynyń dostyǵy da bolyp sanalady. Iaǵni, bizdi bailanystyryp turǵan tek memleketaralyq qatynas emes», - dedi Mustafa Shentop.
.jpeg)