Pákistan Islam Respýblikasynyń astanasynda ótken Konfessiiaaralyq dialog jáne ulttyq birlik jónindegi halyqaralyq konferentsiiada QR Tuńǵysh Prezidenti – Elbasy Nursultan Nazarbaevqa «Memleketke jáne qoǵamǵa sińirgen qyzmetteri úshin» bedeldi halyqaralyq marapaty berildi, dep habarlaidy "Ult aqparat" Konfessiiaaralyq jáne órkenietaralyq dialogty damytý jónindegi N.Nazarbaev ortalyǵyna silteme jasap.
Qazaqstannyń Tuńǵysh Prezidentiniń halyqaralyq qaýymdastyqqa qosqan orasan zor úlesin moiyndai otyryp, Islamabad Halyqaralyq islam ýniversitetiniń Islam zertteý institýty Keńesiniń bastamasymen Elbasynyń joǵary marapatyn Pákistan Ulttyq Assambleiasynyń Spikeri Asad Kaizer usyndy.
«Memleketke jáne qoǵamǵa sińirgen qyzmetteri úshin» halyqaralyq marapaty álemniń kórnekti qairatkerlerin búkil adamzattyń múddeleri úshin birlikti, kelisimdi jáne qaýipsiz ómir súrýdi nyǵaitýǵa qosqan zor úlesi úshin moiyndaidy.
Búgingi kúnge deiin qazirgi zamannyń eń kórnekti memleket, saiasi jáne dini qairatkerleri, onyń ishinde Pákistan Islam Respýblikasynyń eks-prezidenti -Mamnýn Hýssein, Dúniejúzilik islam ligasynyń Bas hatshysy - Muhammed ál-Issa, Imam Muhammed Ibn Saýd atyndaǵy Islam ýniversitetiniń rektory - Súleiman Abba ál-Hail jáne basqa da halyqaralyq jáne memleket qairatkerleri marapatqa ie boldy.
«Memleketke jáne qoǵamǵa sińirgen eńbekteri úshin» atty nagradasyn taǵaiyndaý jónindegi komitet Qazaqstan Respýblikasynyń Tuńǵysh Prezidenti - Elbasy Nursultan Nazarbaevty qazirgi memlekettiń negizin qalaýshy, reformator jáne strateg, ultaralyq jáne konfessiiaaralyq tatýlyqtyń qazaqstandyq modelin qurýdaǵy absoliýtti kóshbasshy dep sanaidy. Nursultan Nazarbaevtyń barlyq memleketter men qoǵamdar úshin beibitshilik pen qaýipsizdik qundylyqtaryn alǵa jyljytýdaǵy irgeli úlesi, biregei jahandyq konfessiiaaralyq dialog alańy – Álemdik jáne dástúrli dinder liderleriniń Sezin qurýynda, sonymen qatar beibitshilik, kelisim, gýmanizm, toleranttylyq jáne dinaralyq kelisim negizinde ómir súrý ideialaryn nasihattaýynda», delingen habarlamada.
