"100 jańa oqýlyq" jobasy aiasynda menedjment pen kásipkerlikke arnalǵan birqatar qundy shyǵarmalar qazaq tiline aýdaryldy. Memleket basshysy Nursultan Nazarbaev keibir kitaptardyń tiimdiligin erekshe atap ótti, dep xabarlaidy QazAqparat tilshisi.
"Rikki Grifinniń "Menedjment" atty kitaby memlekettik sektor úshin de, jeke sektor úshin de asa mańyzdy. Máseleniń bári menedjmentte jatyr. Biz jekeshelendirýdi ne úshin bastadyq? Sebebi memleket jaqsy menedjer emes, basqara almaidy. Al memlekettik qarajat bolǵannan keiin meniki de emes, oniki de emes. Sodan jemqorlyq ta, urlaý da shyǵady. Eger óndiris meniki bolsa, onda men ony paidaly qylýǵa, tabys tabýǵa, ózimdi ósirýge tyrysamyn ǵoi. Sondyqtan menedjment - qazir óte kerek nárse", - dedi N.Nazarbaev búgin "100 jańa oqýlyqtyń" alǵashqy seriiasyn tanystyrý rásiminde.
Memleket basshysynyń aitýynsha, búginde jekeshelendirýdiń ekinshi kezeńi aiasynda memlekettiń qaramaǵyndaǵy óndirister jekemenshikke satylyp jatyr. Sonyń arqasynda atalǵan kásiporyndardyń tiimdiligi artady degen senim bar. Al memlekettiń mindeti basqa.
