"100 جاڭا وقۋلىق" جوباسى اياسىندا مەنەدجمەنت پەن كەسٸپكەرلٸككە ارنالعان بٸرقاتار قۇندى شىعارمالار قازاق تٸلٸنە اۋدارىلدى. مەملەكەت باسشىسى نۇرسۇلتان نازارباەۆ كەيبٸر كٸتاپتاردىڭ تيٸمدٸلٸگٸن ەرەكشە اتاپ ٶتتٸ, دەپ xابارلايدى قازاقپارات تٸلشٸسٸ.
"ريككي گريفيننٸڭ "مەنەدجمەنت" اتتى كٸتابى مەملەكەتتٸك سەكتور ٷشٸن دە, جەكە سەكتور ٷشٸن دە اسا ماڭىزدى. مەسەلەنٸڭ بەرٸ مەنەدجمەنتتە جاتىر. بٸز جەكەشەلەندٸرۋدٸ نە ٷشٸن باستادىق? سەبەبٸ مەملەكەت جاقسى مەنەدجەر ەمەس, باسقارا المايدى. ال مەملەكەتتٸك قاراجات بولعاننان كەيٸن مەنٸكٸ دە ەمەس, ونٸكٸ دە ەمەس. سودان جەمقورلىق تا, ۇرلاۋ دا شىعادى. ەگەر ٶندٸرٸس مەنٸكٸ بولسا, وندا مەن ونى پايدالى قىلۋعا, تابىس تابۋعا, ٶزٸمدٸ ٶسٸرۋگە تىرىسامىن عوي. سوندىقتان مەنەدجمەنت - قازٸر ٶتە كەرەك نەرسە", - دەدٸ ن.نازارباەۆ بٷگٸن "100 جاڭا وقۋلىقتىڭ" العاشقى سەريياسىن تانىستىرۋ رەسٸمٸندە.
مەملەكەت باسشىسىنىڭ ايتۋىنشا, بٷگٸندە جەكەشەلەندٸرۋدٸڭ ەكٸنشٸ كەزەڭٸ اياسىندا مەملەكەتتٸڭ قاراماعىنداعى ٶندٸرٸستەر جەكەمەنشٸككە ساتىلىپ جاتىر. سونىڭ ارقاسىندا اتالعان كەسٸپورىنداردىڭ تيٸمدٸلٸگٸ ارتادى دەگەن سەنٸم بار. ال مەملەكەتتٸڭ مٸندەتٸ باسقا.
