Memleket basshysy Resei Federatsiiasynyń Prezidenti Vladimir Pýtinmen kezdesti, dep habarlaidy "Ult aqparat".
Kezdesý barysynda taraptar yntymaqtastyqtyń mańyzdy máseleleri men týrizm salasyndaǵy qatynastardy odan ári damytý perspektivalaryn talqylady.
Memleket basshysy Resei Federatsiiasynyń Prezidentimen júzdeskende Ujymdyq qaýipsizdik shart uiymy Ujymdyq qaýipsizdik keńesiniń sessiiasy tabysty ótkenin aitty.
Qazaqstan Prezidenti búgingi óńiraralyq yntymaqtastyq forýmy taqyrybynyń ózektiligin atap ótip, mádeni jáne ekonomikalyq yqpaldastyq aiasynda týrizm salasyndaǵy yntymaqtastyqty órkendetýdiń mańyzdylyǵyna arnaiy toqtaldy.
V.Pýtin Qazaqstannyń saýda-ekonomika salasyndaǵy negizgi seriktesterdiń biri ekenin atap ótip, eki jaqty qarym-qatynastardyń joǵary damý qarqynyna nazar aýdardy.
Sonymen qatar, Resei Federatsiiasynyń Prezidenti týrizm salasyndaǵy eki eldiń yntymaqtastyǵyn odan ári nyǵaitýdyń áleýeti zor ekenin aitty.
Kelissózder sońynda memleketter basshylaryna «Baiqońyr» ǵarysh keshenin damytýǵa arnalǵan joba tanystyryldy. Sonymen qatar, Prezidentterge áleýmettik nysandardyń salyný barysy, infraqurylym jelileriniń jóndelý nátijeleri jáne Baiqońyr qalasyndaǵy turǵyn úi alaptarynyń gazben qamtamasyz etilýi jóninde málimet berildi.
