Elbasy Nursultan Nazarbaev «Qazaqstan temir joly» UK» AQ basqarma tóraǵasy Saýat Myńbaevqa Qazaqstannyń temir jol tranzitiniń áleýetin arttyra berýdi tapsyrdy, dep habarlaidy QazAqparat.
«Qazaqstanda tranzittik baǵdarlar qiyn kezeńde salyndy. Ósim men tiimdiligin, múmkindigin kórsetip jatyr. Bul jumysty jalǵastyrý kerek. Tranzittiń arqasynda 5 mlrd dollarǵa deiin tabys taba alamyz. Seriktestermen árdaiym jumysty jalǵastyra berý kerek. Jeńil tranzitke múmkindikti jasaý kerek», - dedi Elbasy Nursultan Nazarbaev «Samuryq-Qazyna» keńesiniń otyrysynda.
Óz kezeginde «Qazaqstan temir joly» UK» AQ basqarma tóraǵasy Saýat Myńbaev kelesi konteinerlik tranzittik baǵdardyń biri – Iran baǵyty ekenin jetkizdi.
«Munda aýqym aitarlyqtai úlken emes. Alaida ótken jylǵa qaraǵanda dinamika 2 ese ósti. Osy baǵdardyń bári de Qazaqstan aýmaǵy arqyly ótedi. Osylaisha Aqtaý portyna da paidasyn tigizip otyr. Jalpy TMD aiasynda júk tasymaly azaiyp bara jatyr. Al buǵan deiingi teńiz nemese áýe arqyly keletin tasymaldyń kóbi qazir temirjolǵa oiysyp barady», - dedi Saýat Myńbaev.
