Nursultan Nazarbaev Frantsýz Respýblikasynyń burynǵy Prezidenti Nikolia Sarkozimen telefon arqyly sóilesti, dep habarlaidy elbasy.kz.
Nikolia Sarkozi Elbasyn mereitoiymen shyn júrekten quttyqtap, myqty densaýlyq, baq-bereke jáne jaýapty memlekettik qyzmetine tabys tiledi. Frantsiianyń burynǵy Prezidenti Nursultan Nazarbaevpen dostyq qarym-qatynasty joǵary baǵalaitynyn jáne eki el arasyndaǵy yntymaqtastyqty belsendi damytý baǵytynda birlese jumys istegen jyldardy jyly sezimmen eske alatynyn aitty.
Elbasy Nikolia Sarkozige shynaiy quttyqtaýy men jyly lebizderi úshin rizashylyǵyn bildirip, 2008 jyly Parijde taraptar qol qoiǵan Qazaqstan men Frantsiia arasyndaǵy Strategiialyq seriktestik týraly kelisiminiń erekshe mańyzdylyǵyna nazar aýdardy.
Telefon arqyly sóilesýge Frantsiia jaǵy bastamashy boldy.
