Memleket basshysy Mysyr Arab Respýblikasynyń Prezidenti Ábdel Fattah As-Sisige quttyqtaý jedelhatyn joldady, dep habarlaidy Aqordanyń baspasóz qyzmeti.
Nursultan Nazarbaev Ábdel Fattah As-Sisidi Mysyr Arab Respýblikasynyń Prezidenti laýazymyna qaita sailanýymen quttyqtady.
«Bul jeńis - Sizdi memlekettiń múddesi men jarqyn bolashaǵyna qyzmet etetin naǵyz patriot jáne elińizdiń birligi men turaqty damýyn qamtamasyz ete alatyn parasatty ári tájiribeli saiasi kóshbasshy retinde halqyńyzdyń moiyndaýynyń taǵy bir aiqyn dáleli.
Myńdaǵan jyldyq kóne tarihy bar Mysyr eli keleshekte Sizdiń basshylyǵyńyzben ótpeli kezeńdegi qiynshylyqtardy eńserip, ornyqty damý jolyna túsetinine senimdimin.
Astana men Kair arasynda ornaǵan dostyq qarym-qatynastar baýyrlas eki halyqtyń bereke-birligi úshin odan ári órkendei berýine tilektestik bildiremin», - delingen jedelhatta.
