Búgin Úkimettiń keńeitilgen májilisinde Nursultan Nazarbaev Qarjy ministrine memlekettik qaryzdy azaitýdy tapsyrdy, dep habarlaidy "Ult aqparat".
Memleket basshysy jiyn barysynda Premer-Ministrdiń orynbasary Erbolat Dosaev pen Qarjy ministri Baqyt Sultanovqa atalǵan baǵyttaǵy jumystardy baqylaýǵa alýdy júktedi.
"Memlekettik qaryzdy bir deńgeide ustaý kerek. Ulǵaitpai, kerisinshe qalai kemitýdi oilastyryp otyrý kerek. Ár túrli jaǵdailar bolady, sondyqtan keń bolýǵa tiispiz. Qajet kezde qaryz alatyn múmkinshilik bolýy qajet. Keiingi kezde biz qurylysqa, joldarǵa, úi salýǵa kóbirek alyp jiberdik", — degen prezident premer-ministrdiń orynbasary Erbolat Dosaevqa baqylaýǵa alýdy tasyrdy.
Otyrysta qarjy ministri Baqyt Sultanov jekeshelendirý barysyn baiandady. Ótken jyly 289 obektiniń 190-y 108 milliard teńgege satylǵan.
"Qarjyny biýdjetke me, álde Ulttyq qorǵa jiberip jatyrsyzdar ma?", — dep surady Nazarbaev.
"Ulttyq qorǵa 7,4 milliard teńge saldyq. Biylǵy jyly eki aidyń ishinde 7,3 milliard teńge jiberiletin bolady. Bul byltyr jeltoqsanda satylǵan obektilerden túsken qarajat", — dep jaýap bergen ministrge memleket basshysy munyń durystyǵyn aitty.
Esterińizge sala keteiik, búgin Qazaqstan Prezidenti Nursultan Nazarbaevtyń tóraǵalymen el Úkimetiniń keńeitilgen májilisi ótip jatyr. Otyrys barysynda Úkimet basshysynyń, birqatar ministrlerdiń, oblys ákimderiniń baiandamalary tyńdaldy.
