Qaýipsizdik Keńesiniń Tóraǵasy Nursultan Nazarbaev Ishki ister ministri Erlan Turǵymbaevty qabyldady, dep habarlaidy "Ult aqparat" elbasy.kz-ke silteme jasap.
Kezdesýde Qaýipsizdik Keńesiniń Tóraǵasyna karantin kezeńinde elde quqyqtyq tártipti qamtamasyz etý boiynsha qabyldanǵan sharalar, sondai-aq jeke quramdy epidemiiadan qorǵaý jóninde málimet berildi.
Sonymen qatar Nursultan Nazarbaevqa ishki ister organdarynyń halyqpen ózara is-qimylyn jaqsartý, olardyń jumysynyń ashyqtyǵyn qamtamasyz etý boiynsha júrgizilip jatqan jumystar týraly aqparat usynyldy.
– Memlekettik organdardyń qoǵam údesinen shyǵa bilgeni jón. Jurtshylyqpen tikelei dialog ornatyp, azamattarmen keri bailanysty jaqsartý úshin qazirgi «platformalardyń» jumys formatyn qaita qaraý qajet. Basty maqsat – halyqtyń quqyq qorǵaý júiesine degen senimin jáne onyń qyzmetiniń tiimdiligin arttyrý, – dedi Elbasy.
Qaýipsizdik Keńesiniń Tóraǵasy Prezidenttiń jergilikti politsiia qyzmetin odan ári reformalaý jáne eldegi quqyqtyq tártipti qamtamasyz etý jónindegi tapsyrmalaryn sapaly oryndaýdyń mańyzdylyǵyn atap ótti.
