Memleket basshysy Nursultan Nazarbaev Saýli Niinistioge Finliandiia Respýblikasynyń Prezidenti laýazymyna qaita sailanýyna bailanysty quttyqtaý jedelhatyn joldady, dep habarlaidy "Ult aqparat" Aqordaǵa silteme jasap.
Nursultan Nazarbaev S.Niinistioni prezident sailaýyndaǵy jeńisimen quttyqtap, joǵary memlekettik laýazymdyq qyzmetine tabys tiledi.
«Bul jeńis – Finliandiia halqynyń Sizdi memleket pen onyń bolashaǵy úshin aianbai eńbektenetin shynaiy patriot, eldiń turaqty damýyn ári birlikte bolýyn qamtamasyz ete biletin kóshbasshy ekenińizdi moiyndaý.
Men Qazaqstan men Finliandiia arasyndaǵy ekonomikalyq jáne gýmanitarlyq yntymaqtastyqty tereńdetý jáne budan ári saiasi bailanysty damytý maqsatynda tyǵyz ári tiimdi qarym-qatynas jasap jatqanymyzǵa qýanyshtymyn», - delingen telegram habarlamada.
