EAEO - órkendegen Eýropa men órlegen Aziianyń arasyndaǵy senimdi kópir. Elbasy Nursultan Nazarbaevtyń osy pikiri «Ideiadan shynaiylyqqa: Qazaqstan Respýblikasynyń Tuńǵysh Prezidenti - Elbasynyń eýraziialyq bastamasyna 25 jyl» atty elordada ótken halyqaralyq ǵylymi-praktikalyq konferentsiiasynda aityldy, dep habarlaidy QazAqparat tilshisi.
«1994 jyly Máskeý memlekettik ýniversitetinde integratsiialyq jobany qurý ideiasyn alǵash ret aittym. Sol kezde mundai birlestik maǵan damýyna jáne azamattardyń ál-aýqatynyń jańa múmkindikteri úshin turaqty jaǵdai jasaýǵa kómektesetin qýatty ekonomikalyq odaq retinde elestedi. Búgin ol shyndyqqa ainaldy. Biyl Eýraziialyq ekonomikalyq odaq týraly shartqa qol qoiylǵanyna jáne eýraziialyq integratsiia ideiasynyń aitylǵanyna 25 jyl tolyp otyr. Qazirgi EAEO - syrtqy saýda ainalymy 750 milliard dollardan asatyn úlken naryq. Onyń jiyntyq IJÓ mólsheri - eki trillion dollar, halyq sany 180 million adamnan asady. Qaýymdastyqqa múshe memleketter oń ósý qarqynyn qamtamasyz etti. Sheteldik jáne ózara saýda-sattyq aitarlyqtai ósip, halyqaralyq yntymaqtastyq belsendi túrde júrgizilýde. Jaqyn arada biz EAEO-ny Eýropa men ósip kele jatqan Aziia arasyndaǵy senimdi kópir retinde kórip otyrmyz », - dedi Qazaqstan Respýblikasy Prezidenti Ákimshiliginiń jetekshisiniń birinshi orynbasary Darhan Qaletaev Elbasynyń hatyn oqi otyryp.
Nursultan Nazarbaev ekonomikalyq integratsiianyń damýy - ekonomikany ártaraptandyrýda. Básekege qabilettilikti nyǵaitýda, iskerlik ahýaldy jaqsartyp, qatysýshy elderdiń investitsiialyq tartymdylyǵyn arttyrýda negizgi kúsh bola alatynyn atap ótti.
«Iri seriktestermen jáne jańa ósip kele jatqan naryqtarmen saýda-ekonomikalyq qatynastardy keńeitý - Eýraziialyq ekonomikalyq odaqtyń búkil kontinenttegi rólin kúsheitýge serpin berý kerek», - dedi Nursultan Nazarbaev.
.jpeg)