Qazaqstan Prezidenti «DP World» kompaniiasynyń basqarma tóraǵasy Sultan Ahmed bin Sýlaiemmen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda Memleket basshysy «DP World» kompaniiasynyń júk tasymaly men logistika salasyndaǵy jetistikterin atap ótti.
«Sizder álemdegi 78 terminaldy basqaryp, 6 qurlyqtaǵy 42 elmen jumys isteisizder. Biz úshin sizderdiń mol tájiribelerińiz asa mańyzdy, sizdermen birlesip jumys isteýge daiynbyz», - dedi Nursultan Nazarbaev.
Qazaqstan Prezidenti investitsiia tartý úshin jasalyp jatqan elimizdegi jaǵdaiǵa erekshe toqtalyp, Quryq porty erkin ekonomikalyq aimaǵynyń basymdyqtary jóninde aitty.
«Biz jańa jol saldyq, Alashankoý men Qorǵas arqyly ótetin eki jol tartyldy. Osylaisha, biz Shyǵys Qytai provintsiiasynan Qazaqstan, Ortalyq Aziia, Resei, Parsy shyǵanaǵy, Qara jáne Jerorta teńizderi arqyly Eýropaǵa júk tasymaldaý kólemin tolyq qamtamasyz etip otyrmyz», - dedi Nursultan Nazarbaev.
Kompaniia jetekshisi Memleket basshysyn Quryq porty mýltimodaldy terminalynyń iske qosylýymen quttyqtap, Qazaqstanda transulttyq tasymaldaýshylardyń jumys isteýine qolaily jaǵdai jasalǵany úshin alǵys bildirdi.
- Men Sizdiń sińirgen eńbegińizdi taǵy da joǵary baǵalaǵym keledi. Bul jobanyń júzege asyrylýy, shyndyǵynda, ǵajaiyp is. Sebebi infraqurylymǵa qarjy salmai, Qazaqstanda ǵana emes, sondai-aq osy óńirde ekonomikalyq turǵydan jetistikke jetý múmkin emes. Biz óz tutynýshylarymyzdyń maqsattary men qajettilikteri úshin Aqtaý portynyń jumysyna múddeli bolyp otyrmyz», - dedi Sultan Ahmed bin Sýlaiem.
Kezdesý sońynda Qazaqstan Prezidenti «DP World» kompaniiasynyń basshysyna ózara tiimdi yntymaqtastyq jolynda zor tabys tiledi.
