Nursultan Nazarbaev Braziliia Federativtik Respýblikasynyń Prezidenti Jair Messias Bolsonarýǵa kóńil aitý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy Nursultan Nazarbaev Minas-Jerais shtatyndaǵy bógettiń buzylýy saldarynan kóptegen adamnyń qaza bolǵany týraly habardy zor kúizelispen qabyldady.
«Osyndai qiyn sátte Qazaqstan halqynyń jáne jeke ózimniń atymnan Sizge, qaza tapqandardyń týǵan-týysqandary men jaqyndaryna, sondai-aq barsha Braziliia halqyna kóńil aitamyn.
Qaiǵylaryńyzǵa ortaqtasa otyryp, zardap shekkenderdiń tezirek saýyǵyp, otbasylaryna oralýyna tilektestigimdi bildiremin», - delingen jedelhatta.
Eske sala ketsek, Braziliiada sý bógeti jarylyp, 150 adam iz-túzsiz joǵalyp ketken bolatyn.
