Elbasy Nursultan Nazarbaev Áset Isekeshevti qabyldady, dep habarlaidy "Ult aqparat" Elbasynyń resmi saityna silteme jasap.
Kezdesý barysynda Nursultan Nazarbaev ulttyq qaýipsizdiktiń ahýalyna baqylaý júrgizýdiń, pandemiia jaǵdaiynda zańdylyqty saqtaý men tártipti qamtamasyz etýdiń mańyzdylyǵyna toqtaldy.
Elbasy karantinniń jeńildeýine bailanysty epidemiologiialyq qaýipsizdikti qamtamasyz etý qajettigin atap ótti.
«Búginnen bastap karantin sharalaryn jeńildetý týraly sheshim qabyldandy. Alaida adamdar jaýapkershilikti tolyq sezinýi qajet. Ár adam óz densaýlyǵyn saqtaý kerek», – dedi Qazaqstannyń Tuńǵysh Prezidenti.
Óz kezeginde Áset Isekeshev Qaýipsizdik Keńesi Apparatynyń yqtimal qaýip-qaterlerdi taldaý jáne aldyn alý boiynsha júrgizip jatqan jumystary týraly baiandady.
«Qaýip-qaterlerge taldaý turaqty túrde júrgiziledi. Ár sala boiynsha monitoring jasalyp, olardy sheshý úshin sharalar usynylady. Qazirgi negizgi másele – koronavirýs pandemiiasy. Qaýipsizdik Keńesiniń Apparaty Keńestiń sheshimderin eskere otyryp, jaǵdaiǵa baqylaý júrgizedi, birqatar máseleler boiynsha naqty usynystar engizedi. Qylmystyq ahýalǵa keler bolsaq, jalpy respýblika boiynsha qylmys sany ótken jylmen salystyrǵanda 34 paiyzǵa azaiǵan. Jaǵdai baqylaýda. Birqatar salalarda qylmystyń tómendeý qarqyny baiqalap otyr», – dedi Qaýipsizdik Keńesiniń hatshysy.
