Memlekettiń qurylymynda men úshin eń kúrdeli másele - adamdardyń psihologiiasyn ózgertý boldy. Astanada ótip jatqan VIII Azamattyq forýmda Memleket basshysy Nursultan Nazarbaev osylai aitty, dep habarlaidy QazAqparat tilshisi.
«Búgingi kezdesý azamattyq qoǵamnyń qalai eńsesin tiktep qalǵanyn kórsetip berdi. Azamattyq qoǵam memleketpen birge jumys isteýge belsendilik tanytyp otyr. Osy jyldardyń ishinde Úkimettik emes uiymdar institýtsionaldyq turǵyda qalyptasyp qaldy. Osyǵan deiingi pikirtalastar esińizde bolar. Úkimettik uiymdar Úkimettik emes uiymdardy qabyldamai, bizdiń iske aralasyp jatyr dep te dabyl qaqqan kezder boldy. Munyń bári de Keńes odaǵynan qalyp qoiǵan túsinik», - deidi Elbasy.
Nursultan Nazarbaev óziniń býyny - bala balabaqshadan keiin mektepke barý kerek, odan soń pioner, komsomol bolyp, aqyry memlekettiń kómegimen jumysqa turyp, tipti jerleýdiń ózi memlekettiń esebinen bolatyn júiede ómir súrgenin eske aldy.
«Mine, osyǵan úirenip qalǵanbyz. Sondyqtan, memlekettiń qurylymynda men úshin eń kúrdeli másele - adamdardyń psihologiiasyn ózgertý boldy. Iaǵni, ár adam patronattyqtan góri, ózim úshin eńbek etý degen túsinikti sińirý qajet edi», - deidi Nursultan Nazarbaev.
Memleket basshysy óz sózinde búgingi tańda jumys isteý úshin barlyq jaǵdai jasalǵanyn taǵy da eske saldy.
