مەملەكەتتٸڭ قۇرىلىمىندا مەن ٷشٸن ەڭ كٷردەلٸ مەسەلە - ادامداردىڭ پسيحولوگيياسىن ٶزگەرتۋ بولدى. استانادا ٶتٸپ جاتقان VIII ازاماتتىق فورۋمدا مەملەكەت باسشىسى نۇرسۇلتان نازارباەۆ وسىلاي ايتتى, دەپ حابارلايدى قازاقپارات تٸلشٸسٸ.
«بٷگٸنگٸ كەزدەسۋ ازاماتتىق قوعامنىڭ قالاي ەڭسەسٸن تٸكتەپ قالعانىن كٶرسەتٸپ بەردٸ. ازاماتتىق قوعام مەملەكەتپەن بٸرگە جۇمىس ٸستەۋگە بەلسەندٸلٸك تانىتىپ وتىر. وسى جىلداردىڭ ٸشٸندە ٷكٸمەتتٸك ەمەس ۇيىمدار ينستيتۋتسيونالدىق تۇرعىدا قالىپتاسىپ قالدى. وسىعان دەيٸنگٸ پٸكٸرتالاستار ەسٸڭٸزدە بولار. ٷكٸمەتتٸك ۇيىمدار ٷكٸمەتتٸك ەمەس ۇيىمداردى قابىلداماي, بٸزدٸڭ ٸسكە ارالاسىپ جاتىر دەپ تە دابىل قاققان كەزدەر بولدى. مۇنىڭ بەرٸ دە كەڭەس وداعىنان قالىپ قويعان تٷسٸنٸك», - دەيدٸ ەلباسى.
نۇرسۇلتان نازارباەۆ ٶزٸنٸڭ بۋىنى - بالا بالاباقشادان كەيٸن مەكتەپكە بارۋ كەرەك, ودان سوڭ پيونەر, كومسومول بولىپ, اقىرى مەملەكەتتٸڭ كٶمەگٸمەن جۇمىسقا تۇرىپ, تٸپتٸ جەرلەۋدٸڭ ٶزٸ مەملەكەتتٸڭ ەسەبٸنەن بولاتىن جٷيەدە ٶمٸر سٷرگەنٸن ەسكە الدى.
«مٸنە, وسىعان ٷيرەنٸپ قالعانبىز. سوندىقتان, مەملەكەتتٸڭ قۇرىلىمىندا مەن ٷشٸن ەڭ كٷردەلٸ مەسەلە - ادامداردىڭ پسيحولوگيياسىن ٶزگەرتۋ بولدى. ياعني, ەر ادام پاتروناتتىقتان گٶرٸ, ٶزٸم ٷشٸن ەڭبەك ەتۋ دەگەن تٷسٸنٸكتٸ سٸڭٸرۋ قاجەت ەدٸ», - دەيدٸ نۇرسۇلتان نازارباەۆ.
مەملەكەت باسشىسى ٶز سٶزٸندە بٷگٸنگٸ تاڭدا جۇمىس ٸستەۋ ٷشٸن بارلىق جاعداي جاسالعانىن تاعى دا ەسكە سالدى.
