QR Tuńǵysh Prezidenti Nursultan Nazarbaev Eýraziia qaýipsizdigin qamtamasyz etýde AÓSShK men EQYU uiymdaryn biriktirýdi usyndy, dep habarlaidy QazAqparat.
«Qazirgi daǵdarystyq jaǵdai men jańa syn-qaterler merzimi jetken dialogty ornatý múmkindigin ashady. Úlken Eýraziianyń jańa oiyn erejelerin anyqtaý qajettigi shúbásiz dep oilaimyn. Bul týraly kóptegen forýmdarda aityp kelemin», - dedi Elbasy Astana Club plenarlyq otyrysynyń ashylýynda.
Osy oraida Nursultan Nazarbaev Aziiadaǵy ózara yqpaldastyq jáne senim sharalary keńesi men Eýropa qaýipsizdik jáne yntymaqtastyq uiymynyń kúshin biriktirýdi usyndy.
«Jalpyqurlyqtyq qaýipsizdik arhitektýrasyn qalyptastyrýdyń jańa tásilderin syni turǵyda qarastyrǵan jón. Eýropa men Aziianyń aimaqtyq qaýipsizdik júiesin biriktiretin tolyqqandy Eýraziialyq qaýipsizdik úlgisin jasaityn kez keldi. 2020 jyly EQYU-daǵy Astana deklaratsiiasynyń qabyldanǵanyna 10 jyl tolady. Onda Eýroatlantikalyq jáne eýraziialyq qaýipsizdik biryńǵai qaýymdastyǵyn qurýdyń mańyzy aitylǵan edi. Bul máselelerdi Aziianyń 27 memleketin biriktiretin AÓSShK men EQYU áleýmetterin biriktirý arqyly tiimdi sheshýge bolady. Eki uiymdy biriktirý arqyly Eýraziianyń jahandyq qaýipsizdigin qamtamasyz etýge bolady», - dedi ol.
Elbasynyń aitýynsha, bul bastamany Astana club sarapshylary da qoldady. Saýalnamada olardyń 65 paiyzy eki qurylymdy biriktirý arqyly Eýraziia qaýipsizdigi máselesin tiimdi sheshýge bolady dep pikir bildirgen.
«Osy taqyryp boiynsha AÓSShK jáne EQYU sarapshylary men diplomattary arasynda kelissózdi jalǵastyrýdy usynamyn. Munda bizdiń klýb (Astana club – red.) platformasyn paidalanýǵa bolady. Dialogtyń bul formaty joǵary saiasi deńgeidegi kelissózdi uiymdastyrý úshin daiyndyq kezeńi bola alar edi», - dedi Nursultan Nazarbaev.
