Qazaqstan Prezidenti Almaty qalasynyń 1000 jyldyǵyn merekeleýge arnalǵan saltanatty kontsertke qatysty, dep habarlaidy "Ult aqparat" Aqordanyń baspasóz qyzmetine silteme jasap.
Is-sharaǵa 7 myńnan astam qala turǵyny men qonaqtary qatysty. Jinalǵandarǵa arnaǵan sózinde Memleket basshysy barsha qazaqstandyqtardy Almatynyń myńjyldyq merekesimen quttyqtap, osy oqiǵanyń tarihi mánin atap ótti.
– Bul data IýNESKO-nyń Adamzattyń ataýly jáne merekelik kúnderi kúntizbesine engen. Atalǵan sheshim Almatynyń óńirlik jáne jahandyq damýdaǵy biregei róliniń airyqsha ekenin kórsetedi. Alataý bókterindegi qasterli ólke óz tarihynda kóp nárseni basynan ótkerdi. Bul jerden alyp Eýraziianyń Shyǵysy men Batysyn, Soltústigi men Ońtústigin jalǵaǵan alǵashqy saýda joly jáne jalpy adamzattyq magistral – Uly Jibek joly ótken. Bes júz elý jyl buryn Jetisý Qazaq handyǵynyń besigi boldy. Bul jerde búkil Ortalyq Aziia aimaǵynyń ýrbanistik mádenietiniń basty oshaǵynyń biri paida boldy, – dedi Nursultan Nazarbaev.
Elbasy Almatynyń HH ǵasyrdaǵy oqiǵalar tizbeginde airyqsha rólge ie ekenine nazar aýdardy.
– Qala 1929 jyly Qazaqstannyń kezekti astanasyna ainalyp, keiinnen milliondaǵan turǵyny bar megapoliske deiin ósti. Almatyǵa egemen Qazaqstannyń alǵashqy astanasy bolý mártebesi buiyrdy. Sondyqtan biz búkil halyq bolyp qalanyń myńjyldyǵyn Otanymyzdyń Táýelsizdiginiń 25 jyldyǵy belesinde merekeleýdemiz. 1995 jyly jalpy halyqtyq referendýmda respýblika Konstitýtsiiasy qabyldandy. Osy qalada «Qazaqstan Respýblikasynyń Táýelsizdigi týraly» zań qabyldandy. Almatyda Qazaqstan halqy Assambleiasy quryldy. Naq osy jerde jańa elorda – Astana týraly tarihi qaýly qabyldandy, – dedi Qazaqstan Prezidenti.
Nursultan Nazarbaev megapolistiń áleýmettik-ekonomikalyq damý máseleleri árqashan memlekettiń basty nazarynda ekenin atap ótti.
– Byltyr qalanyń 2020 jylǵa deiingi damý baǵdarlamasy qabyldandy. Ol turǵyndardyń ómirin, qalanyń ekologiialyq jaǵdaiyn jaqsartý, biznes úshin qolaily jaǵdailar týǵyzý jónindegi naqty sharalardy qamtidy. Qazirgi Almaty – Qazaqstannyń batyl ári qarqyndy damýynyń kórinisi. Sońǵy 5 jyldyń ózinde qala aýmaǵy 2 ese ósti. Turǵyndardyń jalpy sany – bir million jeti júz adam. Almaty metropoliteni qazirdiń ózinde 30 millionnan astam jolaýshy tasymaldady. 2017 jyly «Nurly jol» baǵdarlamasy aiasynda Úlken Almaty ainalma jolynyń qurylysy bastalady. Ol «Batys Eýropa – Batys Qytai» halyqaralyq magistraliniń bir bóligi bolmaq. «Innovatsiialyq tehnologiialar saiabaǵy» arnaiy ekonomikalyq aimaǵy qurylyp damytylýda, – dedi Memleket basshysy.
Budan bólek, Qazaqstan Prezidenti respýblikadaǵy barlyq kásipkerlik sektordaǵy óndiriletin ónim men kórsetiletin qyzmettiń tórtten biri tiesili shaǵyn jáne orta biznes sýbektileriniń mańyzdy rólin atap ótti.
Nursultan Nazarbaev sondai-aq Ýniversiadaǵa daiyndyq halyqtyń kóbirek jumyspen qamtylýyna, qalanyń týristik salasynyń damýyna jańa serpin bergenine nazar aýdardy.
– Onyń biregei nysandarynyń qurylysyna 107 milliard teńge investitsiia tartyldy. Sonyń arqasynda myń jarym shaǵyn jáne orta biznes sýbektileri jumyspen qamtylyp, 30 myńnan astam jańa jumys oryndary ashyldy. Qysqy Ýniversiadaǵa 57 elden 2 myńnan astam sportshy qatysady. Almatynyń týristik klasterin damytý arqyly 90 myń qala turǵyny jumyspen qamtamasyz etiledi, – dedi Elbasy.
Sońynda Qazaqstan Prezidenti barsha qazaqstandyqtardy olardyń súiikti ári ásem de teńdessiz qalasynyń myńjyldyǵymen taǵy da quttyqtap, zor densaýlyq, baq-bereke jáne tabys tiledi.
.jpeg)