Memleket basshysy Aqtóbe qalasyndaǵy «ACE Tennis Center» tennis ortalyǵyna bardy, dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Prezidenti memleket-jekeshelik áriptestik aiasynda salynǵan sport kesheniniń jumysymen tanysyp, óńirlerde osyndai sport infraqurylymdarynyń ashylýy salaýatty ómir saltyn nasihattaýǵa jáne elimizde tennistiń damý deńgeiin arttyrýǵa múmkindik beretinin atap ótti.
Nursultan Nazarbaev jas sportshylarmen áńgimelesip, tennis dobyna estelik qoltańba qaldyrdy, sondai-aq osy ortalyqtyń qonaq úi kesheni men basqa da oryndaryn aralap kórdi.
