Adam zamanaýi ekonomikaǵa beiimdelýi kerek. Aqordanyń Feisbýktegi paraqshasynda jariialanǵan videoda QR Prezidenti Nursultan Nazarbaev qazaqstandyqtarǵa osyndai keńes beredi, dep habarlaidy "Ult aqparat".
«Basty másele - damyǵan 30 eldiń qataryna qosylý. Damyǵan 30 eldiń adamdary qalai ómir súredi? Biz de soǵan umtylýymyz kerek. Al oǵan ilim men bilim, kúndelikti eńbek arqyly qol jetkizýge bolady. Búginde tsifrlandyrý, robottandyrý júrip jatyr. Taiaý ýaqytta 500 mamandyq joiylady. Bizdiń osy ýaqytqa deiin bilip-túigenderimiz qajetsiz bolyp qalmaq. Basqa mamandyqtardy meńgerý kerek, qorqatyn eshteńe joq. Biz metallýrgiialyq zaýyttarda, iri kásiporyndarda jumys isteýdi úirendik. Barlyǵy serviske ótip jatyr. Qazir buryn bolmaǵan bankter, meiramhanalar, dúkender qanshama. Onda adamdar jumys istep, jaqsy qarajat tabýda. Sondyqtan adam zamanaýi ekonomikaǵa, zamanaýi ómirge beiimdelip, eń aldymen, suranysqa sáikes bilim alýǵa daiyndalýy qajet», - dedi Memleket basshysy.
