Nurotandyqtar Soltústik Qazaqstan oblysyna qarasty Aiyrtaý aýdanynyń turǵyndaryna Elbasynyń bes áleýmettik bastamasynyń tórtinshi baǵyty boiynsha múmkindikterdiń barysy týraly aityp berdi.
Is-sharaǵa qatysýshylar «Shaǵyn nesie berýdi kóbeitý» tórtinshi bastamasynyń iske asyrylý máselesine erekshe nazar aýdardy. Óz isin damytý úshin jańa múmkindikter týraly Antonovka bastaýysh partiia uiymynyń tóraǵasy, selolyq okrýgtiń ákimi Ermek Qasymǵaliev aityp berdi.
– «Shaǵyn nesie berýdi kóbeitý» aýyl úshin óte mańyzdy bastama. Óitkeni kóptegen ózin-ózi jumyspen qamtyǵandar nemese turaqty jumysy joq adamdar kásipkerlikpen ainalysýǵa, shaǵyn biznes ashýǵa múmkindik alady. Ótken 2017 jyly «Nátijeli jumyspen qamtýdy jáne jappai kásipkerlikti damytý» baǵdarlamasyn júzege asyrý bastaldy. Baǵdarlama aiasynda kásipkerlik bastamalardy da qoldaý sharalary qarastyrylǵan, – dedi Ermek Qasymǵaliev.
Bastaýysh partiia uiymy tóraǵasynyń aitýynsha, biznes ashý úshin aýyl turǵyny HQKO-na, «Atameken» UKP filialyna nemese okrýg ákimdigine júginýge tiis. Onyń ótinimi halyqty jumyspen qamtý ortalyqtaryna baǵyttalǵan bolady. Keiin isin jańadan bastaǵan kásipkerge keńes berilip, ol «Bastaý-Biznes» baǵdarlamasy boiynsha bilimin jetildirý múmkindigine ie bolady. Sertifikatyn alǵannan keiin kásipker 5-7 jyl merzimge jyldyq ústemaqysy 6 paiyzdy quraityn nesie alýǵa qol jetkizedi.
Elaman Maqsotuly
