Túrkistan-Shardara. Búgin «NurOtan» partiiasynan Shardara aýdandyq máslihatyna kandidattar «Esikten-esikke» sharasy aiasynda Sútkent aýylynyń turǵyndarymen kezdesý ótkizdi.
Turǵyndarmen kezdesý barysynda partiianyń sailaýaldy baǵdarlamasy men partiianyń jetistikteri týraly tarata aityldy. Sonymen birge úmitkerler aýyl turǵyndaryn sailaý kúni «Nur Otan» partiiasyna daýys berýge shaqyrdy.
– Sútkent aýyly aýdan ortalyǵynan shalǵaida ornalasqan. Degenmen mundaǵy áleýmettik-turmystyq máseleler jaqsy sheshimin tapqan. Taiaýda aýylǵa tabiǵi gaz berildi. Jańadan saiabaq salyndy. Deiturǵanmen aýylda másele joq dep aita almaimyz. Aýyl turǵyndarymen kezdesý barysynda túiitkildi máselelerdi anyqtap, jazyp aldyq. Aldaǵy ýaqyttary sol máselelerdiń oń sheshimin tabýǵa yqpal etemiz. Bizdiń maqsatymyz – aýyldy damytý úshin qolaily jaǵdai jasaý, - deidi «NurOtan»-dyqtar.
«Nur Otan» partiiasy Shardara aýdandyq filialy sailaýaldy shtabynyń qorynan tólendi.
