Naiza Fighting Championship uiymynyń prezidenti Nurbek Qarabala Aqtaýda politseidi iterip jibergen týrnir uiymdastyrýshynyń ustalýyna qatysty pikir bildirdi, - dep habarlaidy Tengrinews.kz.
Qarabala uiymdastyrýshynyń bul áreketi abaisyzda bolǵanyn jáne onyń eshqandai aram nieti bolmaǵanyn aitty. Onyń aitýynsha, kóp adam jinalatyn kez kelgen aýqymdy sharada kútpegen jaǵdailar bolady.
"Tehnika ǵana emes, adamdardyń júikesi de shydamaidy. Bireý emotsiiaǵa berilip, óz kýmirin kórgisi keledi, alǵa umtylady. Al endi bireý kópshilikti tizgindep, qoǵamdyq tártipti saqtaýy kerek. Politsiia qyzmetkerleri tiisti deńgeide jumys istedi, kópshilikti keri qaitaryp, kishigirim tóbelesterge jol bermedi. Uiymdastyrýshy retinde olarǵa rizashylyǵymdy bildiremin. Bastysy - bir-birimizge degen qurmet. Adamdar arasynda túsinispeýshilik týdyrmaý", - dedi ol.
