Kezekte turǵan 41 myń adamnyń ishinen 7 387 otbasy ótken jyly «Nurly jer» baǵdarlamasy boiynsha turǵyn úimen qamtamasyz etildi. Bul týraly QR Indýstriia jáne infraqurylymdyq damý ministrliginiń keńeitilgen alqa májilisinde aityldy, dep habarlaidy "Ult aqparat".
«Jyl saiyn halyqtyń osal tobyna jatatyn 10 myńǵa jýyq adamdy satyp alý múmkindiginsiz jalǵa beriletin turǵyn úimen qamtamasyz etemiz. Bul topqa jetim balalar, múgedek balasy bar otbasylar jáne basqa da sanattar jatady», - deidi QR Indýstriia jáne infraqurylymdyq damý birinshi vitse-ministri Qaiyrbek Óskenbaev.
Ol kópbalaly otbasylardyń turǵyn úi máselesine erekshe nazar aýdarylatynyn aitty.
«Osy maqsatta 2019 jyly turǵyn úi zańnamasyna túzetýler engizildi jáne «Nurly jer» baǵdarlamasy boiynsha turǵyn úidi qarjylandyrý tetikteri kózdelgen. Osy sanattar boiynsha kezekte turǵan 41 myń adamnyń ishinen 2019 jyly 7 387 otbasy turǵyn úimen qamtamasyz etildi. Memleket basshysynyń tapsyrmasy boiynsha olardy úsh jyldyń ishinde turǵyn úimen qamtamasyz etýdi josparlap otyrmyz«, - deidi ol.
