QR Ulttyq ekonomika ministri Qýandyq Bishimbaevtyń aitýynsha, «Nurly jer» memlekettik baǵdarlamasyn naqty úsh baǵytta iske asyrý josparlanǵan. Birinshiden, ipoteka arqyly jańa baspanany satyp alý sharalaryna basymdyq beriledi. Ekinshiden, turǵyn-úi jinaq júiesi boiynsha halyqty baspanamen qamtamasyz etý jumysy jalǵasa beredi. Osynyń aiasynda áleýmettik jaǵynan az qamtylǵan azamattar úshin aimaqtyq turǵyn úi qorlaryn qurý josparlanyp otyr. Úshinshiden, jeke turǵyn úi qurylysyn damytýǵa basa nazar aýdarylady. Baǵdarlama aiasynda osy ýaqytqa deiin berilgen jer ýchaskelerine de injenerlik jelilerdi tartý qarastyrylǵan, dep habarlaidy Baq.kz tilshisi.
«Injenerlik jelilerdi tartyp, jeke menshik turǵyn úi salasyn damytý osy salanyń basty baǵyty bolmaq. Osy jumysqa qosymsha investitsiialardy tartýdyń arqasynda biz biýdjetke túsetin salmaqty azaita alamyz. Sondyqtan osy baǵyttar jańa baǵdarlamada kórinis tabatyn bolady», - dep atap kórsetti Q.Bishimbaev búgin Parlament Májilisinde ótken Úkimet saǵaty barysynda.
Ministrdiń sózine qaraǵanda, «Nurly jer» baǵdarlamasynyń barlyq úsh baǵyty boiynsha infraqurylymdy barynsha damytý josparlanyp otyr. 2015-2016 jyldary osy maqsatta 151,8 mlrd. teńge qarastyrylǵan. Sonyń arqasynda 2016-2017 jyldary 101 myńǵa jýyq jańa jer ýchaskeleriniń injenerlik infraqurylymy daiyn bolmaq. Budan bólek, osy ýaqytqa deiin berilgen 57,4 jer ýchaskelerine injenerlik jeliler tartylady. Osynyń nátijesinde qosymsha 43,5 myń jańa ýchaskesin daiyndaýǵa múmkindik bar. 2017 jyly injenerlik infraqurylymdy damytý sharalaryna taǵy 84 mlrd. teńge jumsalady.
Aita keteiik, Aqordada ótken Úkimettiń keńeitilgen otyrysynda QR Prezidenti Nursultan Nazarbaev jek turǵyn úi qurylysyna arnalǵan «Nurly jer» baǵdarlamasyn ázirleýdi tapsyrǵan bolatyn. Onyń aiasynda qazaqstandyqtarǵa injenerlik infraqurylymdy tartqannan keiin qazaqstandyqtarǵa 10 sotyq jer berý qarastyrylǵan. Atalǵan baǵdarlamaǵa qazirgi ipotekalyq jáne turǵyn-úi jinaq tetikteri engiziletin bolady. Premer-ministrdiń orynbasary - aýyl sharýashylyǵy ministri Asqar Myrzahmetovtyń aitýynsha, «Nurly jer» boiynsha igerilmei jatqan jerlerdi qaitarý tetigi jyldyń aiaǵyna deiin qabyldanady.
Arman Asqarov
