2017 jyly Batys Qazaqstan oblysynda «Nurly jol» baǵdarlamasynyń aiasynda 985 páterden turatyn 7 úi salynǵan. Solardyń ishinde atalǵan memlekettik baǵdarlamanyń «Jergilikti atqarýshy organdar jelisi boiynsha kredittik turǵyn úi» baǵyty boiynsha 481 páterlik 4 úi, «Báiterek Development» AQ jelisi boiynsha 504 páterlik 3 úi boi kóterdi. Turǵyn úi qurylys jinaq banki («Báiterek» holdinginiń enshiles uiymy) Batys Qazaqstan oblystyq filialy jyldyq jumys qorytyndysy týrasynda BQO Óńirlik kommýnikatsiialar qyzmetinde ótken baspasóz máslihatynda filial direktory Aigúl Naýryzálieva tolyq aityp ótti. Odan bólek brifingke qatysqan BQO qurylys basqarmasy basshysynyń orynbasary Álibek Antaziev atalǵan baǵdarlama aiasynda atqarylǵan jumystarǵa toqtaldy.
Aigúl Naýryzálievanyń aitýynsha, biylǵy jyly oblysta 55 000-ǵa jýyq adam memlekettiń syiaqysyn alady. Bul – Turǵyn úi qurylys jinaq bankinen salym ashqan aimaq turǵyndarynyń sany. Olardyń 18 722-si kelisimshartty 2017 jyly resimdegen.
2017 jyly Batys Qazaqstan oblysynda 2505 adam 12,5 mlrd. teńgeniń zaimyn alyp, turǵyn úi jaǵdaiyn jaqsartypty.
Kelesi jyly bank «Nurly jer» baǵdarlamasyn júzege asyrýdy jalǵastyrady. «Qurylysty jeke qurylys júrgizýshiler arqyly yntalandyrý» baǵytynyń aiasynda 2018 jyly oblystyń 173 turǵyny qonys toiyn toilamaq. «Qazaqstannyń Turǵyn úi qurylys jinaq banki» AQ men «Qaz-Hol» JShS jáne «Karavannyi pýt» JShS arasynda qol qoiylǵan kelisimderge sáikes, Oral qalasyndaǵy Qurmanǵazy kóshesi, 198 mekenjaiynda 9 qabatty turǵyn úidiń jáne Gagarin kóshesi, 2 mekenjaiy boiynsha 126 páterlik úidiń qurylysy júrýde. Úiler 2018 jyldyń tamyzynda paidalanýǵa beriledi dep josparlanyp otyr.
«Nurly jer» baǵdarlamasynyń aiasynda «Jeke turǵyn úi qurylysyn damytý» baǵytynda Toqpai, Fedorovka, Peremetnoe jáne Dariian eldi mekenderinde jer úiler qurylysyn júrgizý josparlanýda. Bul eldi mekenderdiń barlyǵy oblys ortalyǵyna jaqyn ornalasqan. Atalǵan jobalar boiynsha bólmelerdiń ornalasý reti jáne nysandardyń biryńǵai sáýlettik stilde bolatyny anyqtaldy. Mundaǵy úilerdiń bir sharshy metriniń baǵasy 120 000 teńgeden aspaityn bolady (injenerlik-kommýnikatsiialyq infraqurylymdy eseptemegende). Qazirgi ýaqytta qurylys kompaniialary jeke turǵyn úiler qurylysy jobasynyń eskizderin ázirleýde. Bul qujattar aldaǵy ýaqytta jergilikti ákimdikke maquldanýǵa jiberilip, júzege asyrylmaq.
Turǵyn úi qurylys jinaq bankiniń jeke ónimi - «Óz úiim» baǵdarlamasy da aimaqta sátti júrip jatyr. Atalǵan jobanyń aiasynda 2018 jyly BQO IID qyzmetkerleri baspanaly bolady. Sonymen qatar, Oraldyń Soltústik-Shyǵys bóliginde «Batys Qazaqstan elektr taratý jelisi kompaniiasy» AQ men «Jaiyqjylýqýat» AQ qyzmetkerleri úshin 9 qabatty turǵyn úi salý josparlanýda. Bul uiymdarda isteitin qyzmetkerlerdiń jalpy sany 800-den asady. Olardyń kópshiligi – baspanaly bolamyn dep aqsha jinap jatqan bank salymshylary.
2018 jyldan bastap Turǵyn úi qurylys jinaq banki áskeri qyzmetkerlerge arnalǵan jańa ónimdi usynatyn bolady. Áskeri mamandar biýdjetten turǵyn úidi jalǵa alý úshin alatyn turǵyn úi tólemderin paidalanyp, baspanaly bola alady.
Buǵan deiin «Turǵyn úi qatynastary týraly» QR zańyna sáikes, turǵyn úidi qajet etetin áskeri qyzmetkerler (merzimdi qyzmettegi áskeri qyzmetkerlerdi, kýrsanttar men kadetterdi qospaǵanda) jáne arnaiy memlekettik organ qyzmetkerleri turǵyn úi jaldaǵandary úshin maqsatty ótemaqy alatyn edi.
Kelesi jyldan bastap áskeri qyzmetkerler dál osy turǵyn úi tólemderin paidalana otyryp, Turǵyn úi qurylys jinaq júiesine qatysý arqyly baspanaly bola alady.
Jańa model qai jaǵynan alsa da óte tiimdi.
Birinshiden, tutynýdan qarajat saqtap, jinaýǵa kóshýge múmkindik beredi, sebebi, áskeri jáne arnaiy organ qyzmetkerleri turǵyn úi tólemderin baspanaly bolamyn dep jinai bastaidy.
Ekinshiden, jańa mehanizm biýdjet shyǵyndarynyń áskeri qyzmetkerlerdiń baspanaly bolýy úshin jumsalýyna jol ashady, al qazir ol qarajat jalǵa berýshilerdiń qaltasyna ketip jatyr.
Úshinshiden, áskeri qyzmetkerlerdi nesielendirý bir ónim aiasynda júzege asyralatyn bolady. Iaǵni, turǵyn úi tólemderin alýshylar men turǵyn úi tólemderiniń kólemi bir ortalyqtandyrylady, respýblikalyq biýdjetten bólinetin aqshanyń qalai paidalanylyp jatqandyǵy ashyq júredi.
Jańa ónimge sáikes, áskeri qyzmetkerler jańa páter de, qaitalama naryqtaǵy jyljymaityn múlikti de satyp ala alatyn bolady. Baǵdarlamaǵa sáikes, zaem boiynsha somaǵa shekteý joq. Jinaq kólemi nemese alǵashqy jarna neǵurlym kóp bolsa, zaem somasy da soǵurlym joǵary bolady. Ónim sharttarynyń biri – zaem boiynsha tólem kólemi turǵyn úi tólemi kóleminen aspaýy kerek.
Álibek Antazievtiń aitýynsha, «Nurly jer» baǵdarlamasy aiasynda turǵyn úi qurylysy qarqyndy júrgizilýde. Kúni búgin oblysta 18 kóppáterli jáne 188 bir qabatty turǵyn úiler salynýda. Bul maqsatqa qarjylandyrýdyń barlyq kózderinen 15 mlrd. teńge bólingen. Jyl aiaǵyna deiin 10 kóppáterli turǵyn úidi paidalanýǵa berý josparlanýda (9 úi Oral qalasynda, 1 úi Aqsai qalasynda). Sondai-aq aýyldyq jerde 113 bir qabatty úiler ielerine tapsyrylady.
- «Nurly jer» baǵdarlamasy boiynsha turǵyn úi salý jospary 278,1 myń sharty metr. Alaida, biz qazirdiń ózinde bul salada úlken alǵa basýshylyqty kórip otyrmyz. Biz josparly mejeni 36%-ǵa asyra oryndadyq, iaǵni 300 myń sharshy metrden asa úi salyndy. Aldaǵy 2018 jyly Turǵyn úi qurylys jinaq banki salymshylaryna arnalǵan 14 úidiń qurylysy bastalady, - dep atap ótti Á.Antaziev.
