"Nurly jer" arqyly salynǵan úiler "7-20-25" baǵdarlamasymen satylýy múmkin. Bul týraly búgin Úkimettiń selektorlyq rejimdegi otyrysynda QR Ulttyq banki tóraǵasy Daniiar Aqyshev málim etti, dep habarlaidy QazAqparat tilshisi.
"Turǵyn úi usynysyn ulǵaitý úshin Ulttyq bank jergilikti atqarýshy organdardyń "Baspana" kompaniiasynyń 150 mlrd teńgege deiin somadaǵy obligatsiialaryn naryqtyq talaptarmen satyp alýǵa ruqsat berdi. Búginde bul tetikti Shymkent qalasynyń ákimdigi ǵana 10 mlrd teńge mólsherinde paidalandy. "Baspana" uiymynan qarjylandyrý tartý quqyǵyn basqa ákimderge berý múmkindigin qarastyrý qajet", - dedi Daniiar Aqyshev.
Onyń atap ótýinshe, baǵdarlamany jandandyrý úshin 2018 jylǵy jeltoqsanda memlekettik turǵyn úi baǵdarlamalaryna ózgerister engizildi.
"Nurly jer" baǵdarlamasy boiynsha salynǵan úiler Turǵynúiqurylysjinaqbanki arqyly salymshylar men kezekte turǵandarǵa jáne barlyq azamattarǵa "7-20-25"baǵdarlamasy boiynsha ipotekalyq qaryzdar arqyly satylýy múmkin", - dedi bank basshysy.
