"نۇرلى جەر" ارقىلى سالىنعان ٷيلەر "7-20-25" باعدارلاماسىمەن ساتىلۋى مٷمكٸن. بۇل تۋرالى بٷگٸن ٷكٸمەتتٸڭ سەلەكتورلىق رەجٸمدەگٸ وتىرىسىندا قر ۇلتتىق بانكٸ تٶراعاسى دانييار اقىشەۆ مەلٸم ەتتٸ, دەپ حابارلايدى قازاقپارات تٸلشٸسٸ.
"تۇرعىن ٷي ۇسىنىسىن ۇلعايتۋ ٷشٸن ۇلتتىق بانك جەرگٸلٸكتٸ اتقارۋشى ورگانداردىڭ "باسپانا" كومپانيياسىنىڭ 150 ملرد تەڭگەگە دەيٸن سوماداعى وبليگاتسييالارىن نارىقتىق تالاپتارمەن ساتىپ الۋعا رۇقسات بەردٸ. بٷگٸندە بۇل تەتٸكتٸ شىمكەنت قالاسىنىڭ ەكٸمدٸگٸ عانا 10 ملرد تەڭگە مٶلشەرٸندە پايدالاندى. "باسپانا" ۇيىمىنان قارجىلاندىرۋ تارتۋ قۇقىعىن باسقا ەكٸمدەرگە بەرۋ مٷمكٸندٸگٸن قاراستىرۋ قاجەت", - دەدٸ دانييار اقىشەۆ.
ونىڭ اتاپ ٶتۋٸنشە, باعدارلامانى جانداندىرۋ ٷشٸن 2018 جىلعى جەلتوقساندا مەملەكەتتٸك تۇرعىن ٷي باعدارلامالارىنا ٶزگەرٸستەر ەنگٸزٸلدٸ.
"نۇرلى جەر" باعدارلاماسى بويىنشا سالىنعان ٷيلەر تۇرعىنٷيقۇرىلىسجيناقبانكٸ ارقىلى سالىمشىلار مەن كەزەكتە تۇرعاندارعا جەنە بارلىق ازاماتتارعا "7-20-25"باعدارلاماسى بويىنشا يپوتەكالىق قارىزدار ارقىلى ساتىلۋى مٷمكٸن", - دەدٸ بانك باسشىسى.
