Foto: Tengrinews.kz
Premer-ministr Álihan Smaiylov "Samuryq-Qazyna" ulttyq ál-aýqat qory" AQ ujymyna jańa basqarma tóraǵasyn - Nurlan Jaqypovty tanystyrdy, - dep habarlaidy Tengrinews.kz saity.
Úkimet basshysy qordyń aldynda investitsiialar tartý, energetikalyq keshendi damytý, respýblikanyń infraqurylymdyq, kólik-logistikalyq jáne indýstriialyq damýyn qamtamasyz etý boiynsha aýqymdy mindetter turǵanyn aitty.
Sonymen qatar, qor otandyq taýar óndirýshilerge belsendi túrde qoldaý kórsetip, qolaily jaǵdai jasaýǵa tiis. Bul ulttyq ekonomikanyń ornyqty damý jolynda nyǵaiýyna múmkindik beredi.
"Árbir enshiles kompaniia men holding jumysynyń basym baǵyttary jáne KPI aiqyndalǵan, perspektivaly mindetter túsinikti. Qor - bizdiń elimizde úlken aktivterdi basqaratyn óte mańyzdy qurylym. Qordyń tiimdi jumysyna kóp másele, ásirese, búkil ekonomikaǵa jáne elimizdiń odan ári damýyna áser etetin iri jobalar bailanysty bolyp otyr", - dedi Álihan Smaiylov.
Sondai-aq, Úkimet basshysy Nurlan Jaqypov pen qordyń barlyq qyzmetkeriniń jumysyna tabys tiledi.
Sonymen qatar Premer-ministr keiingi eki jylda qordy basqarǵan Almasadam Sátqalievke Qazaqstan ekonomikasynyń damýyna qosqan úlesi úshin alǵys bildirdi.
