Májilis tóraǵasy Nurlan Nyǵmatýlin ota jasatqannan keiin qyzmetke oraldy, - dep habarlaidy "Ult aqparat" kaz.tengrinews.kz portalyna silteme jasap.
Nurlan Nyǵmatýlin búgin tómengi palatanyń jalpy otyrysyna qatysyp jatyr. Depýtattar Parlament palatasynyń tóraǵasyn qol soǵyp qarsy aldy. Osyǵan deiin otyrystar Májilis vitse-spikerleriniń tóraǵalyǵymen ótken edi.
Eske sala keteiik, munyń aldynda Nurlan Nyǵmatýlinniń júregine ota jasalǵany habarlanǵan bolatyn.
"Shynymen, úsh apta buryn Respýblikalyq kardiologiialyq ortalyqta Nurlan Zairollaulynyń júregine operatsiia jasaldy. Sátti ótti, qazir ol belsendi túrde saýyǵý protsesinen ótip jatyr", - degen edi Májilistiń baspasóz qyzmetiniń ókilderi.
