Búgin Májilis Tóraǵasy Nurlan Nyǵmatýlin Reseidiń Qazaqstandaǵy Tótenshe jáne ókiletti elshisi Aleksei Borodavkindi qabyldady. Bul týraly "Ult aqparat" Májilistiń baspasóz qyzmetine silteme jasap habarlaidy.
Taraptar ekijaqty, sonyń ishinde, parlamentaralyq yntymaqtastyqty nyǵaitýdyń ózekti suraqtaryn talqylady.
N. Nyǵmatýlin atap ótkendei, Resei Qazaqstannyń strategiialyq áriptesi, senimdi dosy jáne tatý kórshisi. Ótken jyly qos memleket arasynda diplomatiialyq qatynastyń ornaǵanyna 25 jyl toldy.
Májilis Tóraǵasynyń pikirinshe, Qazaqstan men Resei Prezidentteriniń tereń túsinistik pen dostyqqa negizdelgen saliqaly saiasattarynyń arqasynda bizdiń elderimiz ózara áriptestiktiń joǵarǵy kórsetkishterine qol jetkizdi.
Mańyzdy baǵyttar qatarynda N. Nyǵmatýlin aimaqaralyq jáne shekaralayq yntymaqtasty, Eýraziialyq keńistikte integratsiialyq birlesitkter aiasynda ózara is-qimyldy atady.
Óz kezeginde A. Borodavkin Qazaqstanmen dostyq qatynasty damytý zor mańyzǵa ie ekenin alǵa tartyp, eki el arasyndaǵy aýqymdy jetistikterge toqtaldy.
Eki eldiń Parlament ókilderi TMD PAA aiasynda ulttyq zańnamalardy úilestirý boiynsha tabysty eńbek etip, EýrAzEO zańnamalyq bazasyn qalyptastyrýda birlese belsendi jumys isteýde.
Májilis Tóraǵasy elshini jańa qyzmetke taǵaiyndalýymen quttyqtai kelip, A. Borodavkinniń diplomatiialyq jumystaǵy mol tájiribesi bizdiń elderimiz arasyndaǵy bailanysty jan-jaqty tereńdetýge yqpal etetinine senim bildirdi.
