Májilis Tóraǵasy Nurlan Nyǵmatýlin Astanada «Táýelsizdiktiń 25-jyldyǵy: Nátijeler. Jetistikter. Keleshek kókjiegi» halyqaralyq konferentsiiasynda quttyqtaý sóz sóiledi, dep habarlaidy "Ult aqparat" QR Parlamenti Májilisi apparatynyń baspasóz qyzmetine silteme jasap.
Óz sózinde Májilis Tóraǵasy bizdiń elimizdiń qalyptasýy men damýy jolynda Qazaqstan Prezidenti Nursultan Nazarbaevtyń teńdessiz róline toqtaldy.
-Biz 25 jyldyń ishinde barlyq qiyndyqty jeńip, damyǵan 50 eldiń qataryna kirdik. Bul shynynda tarihi jeńis. Bul Tuńǵysh Prezidentimiz – Elbasy Nursultan Ábishuly Nazarbaevtyń kóregen saiasatynyń, batyl qadamdarynyń, tarihi sheshimderiniń jeńisi. Sondyqtan, 25 jyldyq biik belester – elimiz úshin, halqymyz úshin jarqyn bolashaqqa jol ashyp otyr,-dedi Nurlan Nyǵmatýlin.
Májilis Tóraǵasy atap ótkendei, Elbasynyń basshylyǵymen jetken bul mereitoi el tarihynlda erekshe kezeń. Qazirgi ýaqytta álem aldynda Qazaqstannyń óz bedeli, abyroiy, biik mártebesi bar.
N. Nyǵmatýlinniń pikirinshe, táýelsizdiktiń aq tańy atqan shaqta halyq óziniń shynaiy tańdaýyn jasady. Nursultan Nazarbaevty El Prezidenti retinde tańdai otyryp, taǵdyrly sheshim qabyldady. Sol ýaqyttan bastap, Elbasy memleketimizdiń qarqyndy damýynyń, Qazaqstannyń gúldenýiniń kepiline ainaldy.
Mańyzdy halyqaralyq jiynnyń uiymdastyrýshysy Qazaqstan Respýblikasy Parlamenti Májilisi men QR Syrtqy Ister ministrligi.
Forým jqmysyna Belarýs, Belgiia, Iran, Italiia, Qazaqstan, Qytai, Qyrǵyzstan, Latviia, Polsha, Resei, AQSh, Túrkiia, Finliandiia, RGF jáne Shvetsiia elderiniń parlamenttik ókilderi men sarapshylary qatysýda.
Shara úsh sessiiany qamtidy. Olar: «Qazaqstandaǵy negizgi saiasi jáne ekonomikalyq reformalardyń qorytyndylary», «Qazaqstan álemdik saiasatta», «Qazaqstan: Keleshek kókjiegi».
